+39 0471 055 100
bistro@eurac.edu
flagflagflag
flag
bistro
  • Informaziuns sön bistro
  • Co adoré bistro
  • Partners
  • Publicaziuns
  • News
  • Contat

Termins y condiziuns d’adornaza dl sit web

 

Academia Europeica de Balsan – Eurac Research
Alea Druso, 1
39100 Balsan – Talia
Tel: +39 0471 055 100
E-mail: linguistics@eurac.edu
Partita IVA: 01659400210

Notes legales

Chësc sit http://bistro.eurac.edu (dedô ma plü “sit”) contëgn na banca dac de terminologia iuridica.

Le titolar dl sit é l’Academia Europeica de Balsan (dedô ajache al é plü cört ma plü “Eurac Research”).

Por se daidé pité de dërc dac ajorná ti aconsiunse ai utënc da segnalé vigni imprezijiun o malfunzionamënt invian na e-mail a bistro@eurac.edu o scrion fora le formular de “Feedback”.

L’azes o l’adoranza de chësc sit web porta pro al’azetaziun zënza restriziuns da pert dl utënt dles condiziuns spezificades dessot. Tl caje contrar ne sarál nia conzedü da ti rové pormez y adoré dac de bel anfat ci sort sön chësc sit.

Eurac Research se resservëia le dërt d’ajorné o mudé i contignüs de chësc sit, sciöche ince les condiziuns y les modalités d’adoranza dl sit web, zënza degun dovëi de preavis. Tl caje de mudaziuns dles condiziuns comporta l’azes al sit l’impëgn da respeté les condiziuns insciö sciöche ares é gnüdes mudades.

L’inosservanza eventuala de chëstes desposiziuns, ater co tl caje de autorisaziun esplizita scrita por i dërc desponibli, gnará porseghitada tles sëntes iudiziares ziviles y penales de Balsan competëntes aladô dla lege taliana.

Esenziun da responsabilités

Düc i contignüs de chësc sit vëgn scric y ajorná cun gran cura y atenziun. Chësc podess a vigni moda ne garantí nia la coretëza, la completëza y l’atualité di contignüs – porchël ne podará Eurac Research nia gní aratada te degun caje responsabla di dagns de bel anfat ci sort gaujá diretamënter, indiretamënter o adinfal ai utënc, che vëgn dal azes y dal’adoranza dl sit, sciöche ince dala letöra o dal’adoranza dles informaziuns publicades o di contignüs sön le sit, porvia de fai y omisciuns che reverda i contignüs publicá sön le sit, sciöche ince dal nia ester bugn da ti rové pormez.

I contignüs dl sit vëgn scric y curá dal Istitut de linguistica aplicada de Eurac Research.

Eurac Research se resservëia ince le dërt da proibí o tigní sö, te vigni momënt y zënza preavis l’azes a chësc sit y a sü sorvisc.

I contignüs ne costituësc degöna forma de consulënza.

Azes ai sic esterns coliá

Eurac Research n’á degöna responsabilité por ci che reverda i sic esterns a chi che ara vá da ti rové pormez tres i coliamënc sön le sit. Eurac Research n’é nia responsabla no dles informaziuns ciafades dal utënt tres so azes, no dles carateristiches de azessibilité y adoranza: dla completëza y prezijiun dles informaziuns desponibles sön chisc sic, sciöche ince de süa grafica y funzionalité, á i titolars di sic a chi che an ti röia pormez a sües condiziuns la responsabilité.

Copyright

Chësc sit y, olache al ne vëgn nia dé dant val’ d’ater, düc i dërc sön i contignüs é ma de Eurac Research.

N valgügn contignüs de chësc sit pó ince ester material sotmetü ai dërc d’autur de che che l’á metü a desposiziun publicamënter. Les operes olache al vëgn dé dant la fontana é porchël ma di titolars di dërc y de sü suzessurs de dërt. Cun süa publicaziun ne surandá Eurac Research degun dërt sön degügn contignüs dl sit web.

Düc i contignüs publicá o sön chësc sit web, cun lapró süa seleziun y organisaziun, sciöche ince la desposiziun y le design dl sit web, é sconá aladô dles desposiziuns varëntes sön les operes dl intelet. Eurac Research respetëia a vigni moda i dërc de proprieté inteletuala di atri.

Le sit y i dac contignüs pó ma gní adorá por adoranza personala (por ej. por s’informé, inrescí, studié) o a vigni moda nia por rajuns comerziales, tan inant che al vëgn zité la fontana (Academia Europeica de Balsan (Eurac Research) – Istitut de linguistica aplicada (a cura de). Sistem informatif por la terminologia iuridica bistro. Balsan: Eurac Research. http://bistro.eurac.edu. Consulté ai dd.mm.aaaa).

Vigni adoranza por rajuns comerziales o sfrutamënt economich da pert di utënc é porchël dagnora epressamënter proibida. Por rajuns de davagn él conzedü da adoré, copié y ortié inant i documënc y les imajes desponibles sön chësc sit impormó do avëi ciafé l’autorisaziun scrita.

Tratamënt di dac personai

Por conësce a na moda detaiada les modalités de gestiun dl sit por ci che reverda le tratamënt di dac di utënc ciaredi ales plates Cookies & privacy.

In order to give you a better service this site uses cookies. By continuing to browse the site you are agreeing to our use of cookies. OKFor more information